Comisión SERGAS

A Comisión de Relación co SERGAS ten como misión principal representar e defender a figura profesional dos/as dietistas-nutricionistas dentro do sistema sanitario público galego, promovendo a súa plena integración e en condicións dignas.

As súas funcións inclúen:

• Defender a categoría profesional de dietista-nutricionista dentro do Servizo Galego de Saúde (SERGAS).
• Colaborar co SERGAS, a Consellería de Sanidade e outros organismos mediante a participación activa en reunións e espazos institucionais.
• Impulsar a creación de novas prazas e especialidades para dietistas-nutricionistas no sistema público de saúde.
• Vixiar polas condicións laborais dos dietistas-nutricionistas no SERGAS, promovendo unha carga de traballo axeitada e os recursos necesarios.
• Informar aos colexiados sobre a situación da categoría no SERGAS, as novidades que poidan xurdir e resolver dúbidas ao respecto.