Preguntas frecuentes
Se paso consulta en dous centros diferentes debo ter dous rexistros sanitarios distintos?
Nun dos centros hai máis profesionais sanitarios e incluíronme no seu rexistro sanitario.
Se pasas consulta en dous centros distintos tes dúas opcións:
Que cada centro te inclúa dentro do seu Rexistro Sanitario (aquí engadiría o seguinte: que cada centro te inclúa dentro do seu Rexistro Sanitario se os centros son os encargados de xestionar os pacientes, levar a LOPD, historias clínicas e citas; se es ti mesma quen xestiona os pacientes pola túa conta e baixo a túa LOPD, etc., entón deberías pedir o teu propio rexistro sanitario).
Solicitar ti o Rexistro Sanitario a título persoal e serviríache para calquera clínica na que traballases (pero terías que indicar os distintos enderezos nos que te atopas).
A clínica que te incluíu no seu rexistro fíxoo perfecto, pero ese rexistro non te cobre na outra clínica: terían que incluírte no seu ou terías que solicitar ti un.
Queren incluírme no rexistro sanitario da clínica na que traballo, que teñen que facer?
Na seguinte ligazón teñen que ir ao formulario e cubrir todos os apartados ata chegar a TIPO DE AUTORIZACIÓN e nese teñen que seleccionar a casiña: Modificación por cambio de oferta asistencial.
Pódese desgravar por estar colexiado?
As cotas de colexiación pódense desgravar na renda cando a colexiación é obrigatoria para realizar a actividade.
- Se son profesionais por conta allea, as cotas colexiais son deducibles ata un límite de 500 € anuais.
- Se son autónomos poden deducir a cota colexial sen límite como gasto asociado á súa actividade profesional.