Defendemos a túa profesión. Impulsamos o teu desenvolvemento

Defendemos os teus dereitos, fortalecemos a profesión e ofrecémosche servizos útiles para crecer, formarte e exercer con respaldo e garantía.

Non estás só/soa: o Colexio acompáñate

Obxectivos do CODINUGAL

Agrupar as e os Dietistas-Nutricionistas de Galicia que cumpran os requisitos que se definen no artigo 9 dos nosos estatutos.

Representar en exclusiva, a nivel nacional e internacional, a profesión de Dietista-Nutricionista e defender os intereses profesionais das persoas colexiadas, en coherencia cos intereses xerais da sociedade, así como cos da Nutrición Humana, Dietética e Alimentación, en especial nas súas relacións coas Administracións e Institucións Sanitarias e/ou Sociais, sexan de carácter público, privado ou mixto.

Formar permanentemente as e os profesionais da Nutrición Humana, Dietética e Alimentación.

Representar a profesión e os seus profesionais en todos os aspectos que lle sexan propios.

Ordenar, no ámbito da súa competencia, o exercicio profesional, velando para que se desenvolva conforme a criterios deontolóxicos e exercendo a facultade disciplinaria no ámbito profesional e asociativo.

Colaborar coa Administración Pública de ámbito territorial, estatal e europeo na regulamentación das condicións xerais do exercicio da profesión.

Promocionar, soster e vixiar que a Nutrición Humana, Dietética e Alimentación sexan un medio adecuado para a atención e mellora da saúde e do benestar da cidadanía.

Promocionar, divulgar e potenciar a Nutrición Humana, Dietética e Alimentación, así como a súa integración e relevancia na estrutura sanitaria e social desde as perspectivas científica, cultural, laboral, investigadora e docente.

Promocionar e estender a profesión da Nutrición Humana, Dietética e Alimentación na prevención, valoración, diagnóstico, tratamento, seguimento e avaliación dietética e nutricional en persoas sas e enfermas.

Servizos ao colexiado

A condición de colexiado en CODINUGAL leva consigo os seguintes servizos:

  • Asesoría de emprendedores: servizo gratuíto para apoiar os inicios como empresarios/as.
  • Acceso á bolsa de traballo: servizo exclusivo de envío de ofertas de emprego.
  • Formación: información de actividades formativas relacionadas coa nutrición.
  • Cota colexial: pódense deducir as cotas colexiais na Renda nos casos nos que é obrigatorio colexiarse para poder exercer a actividade.
  • Comisións de traballo: se estás interesado en colaborar escríbenos a secretariacodinugal@gmail.com
  • Convenios con entidades públicas e privadas: medio polo que estreitaremos lazos e acordos en beneficio da profesión.
  • Atopa o teu D-N: espazo na web onde os colexiados poden incluír os datos de contacto das súas consultas (nome completo, enderezo da consulta, correo electrónico, teléfono, web e localidade). Para facer uso deste servizo é necesario enviar un correo electrónico á secretaría solicitando o servizo e a autorización de datos persoais (Descargar PDF).
  • Acceso á bolsa de traballo nacional.
  • Asesoramento laboral e fiscal.
  • Adhesión á póliza de seguro de responsabilidade civil FIATC.
  • Uso da marca Dietista-Nutricionista.
  • Pertenza á European Federation of the Association of Dietitians (EFAD) e á International Confederation of Dietetic Associations (ICDA).
  • Poderás dar a coñecer o teu negocio na zona web “Busca o teu D-N”.
  • Boletíns e circulares gratuítos: novas de interese para a profesión, participación en campañas e eventos de forma gratuíta ou con tarifas especiais.
  • Xestión das denuncias de intrusismo profesional que superen o ámbito autonómico.
  • Participar dos beneficios froito dos convenios do CGD-NE con institucións públicas e privadas:
  • Convenio asinado entre o CGD-NE e a empresa Canal Saúde 24, S.L. (CS24).
  • Participar de todos os beneficios froito do traballo das Vocalías e Comisións de Traballo do CGD-NE.
  • Aqueles que determine o Pleno do CGD-NE.