O Colexio Oficial de Dietistas-Nutricionistas de Galicia organizou en setembro de 2025 as certificacións ISAK Nivel 1 e Nivel 2 en cineantropometría, celebradas en Lugo.
Estas formacións, de carácter internacional, combinan contidos teóricos en liña con prácticas presenciais intensivas, e están dirixidas a profesionais e estudantes do ámbito da saúde interesados en avaliar e mellorar o rendemento físico e o estado nutricional mediante a medición corporal.
As sesións prácticas foron impartidas por Victoria Ubino (ISAK 3) e Alexandre Santiso (ISAK 2), e contaron cunha alta participación de dietistas-nutricionistas galegos e doutros puntos de España.
Estas imaxes recollen algúns momentos destacados das xornadas:
