O Colexio Oficial de Dietistas-Nutricionistas de Galicia participou o sábado 27 de setembro de 2025 en Pontesan, o encontro anual de saúde e benestar celebrado en Pontevedra.
Pontesan leva xa seis edicións ofrecendo formación e información accesible e de calidade sobre temas de saúde, benestar e prevención, poñendo o foco este ano na desinformación e na importancia de contrastar as fontes.
O CODINUGAL contou cun stand informativo no que se deu a coñecer o papel dos dietistas-nutricionistas como profesionais sanitarios e se ofreceron consellos prácticos sobre alimentación saudable á cidadanía asistente.
