Os membros da Xunta de Goberno do Colexio Oficial de Dietistas-Nutricionistas de Galicia (CODINUGAL) asistiron ao VII Congreso de Alimentación, Nutrición e Dietética e I Congreso Internacional da Academia Española de Nutrición e Dietética, celebrado os días 16, 17 e 18 de outubro de 2025.
Este congreso é o principal encontro anual do sector da nutrición e dietética en España, caracterizado pola súa independencia respecto da industria alimentaria e farmacéutica e pola súa orientación científica e profesional. A programación incluíu conferencias, mesas redondas e actividades formativas organizadas arredor de cinco áreas temáticas que ofreceron unha visión global e actualizada da alimentación, a saúde e o benestar.
A presenza de CODINUGAL neste evento reforza o compromiso do colexio coa actualización continua, a formación de calidade e a colaboración institucional coa Academia e co resto de entidades profesionais do ámbito da nutrición.
Estas imaxes recollen algúns momentos destacados da participación da Xunta de Goberno no congreso.
